“Senca nad pokrajino duše” estas la slovena titolo de la romano “Ombro sur interna pejzaĝo” verkita de Spomenka Štimec en Esperanto en 1982 kaj nun publikigita ĉe Esperanto-Societo Maribor. La slovenan tradukon prizorgis la slovena verkisto, eseisto kaj tradukisto Vinko Ošlak. La lanĉo okazos en la biblioteko de Slovenij Gradec en Slovenio la 17an de junio 2023 en la ĉeesto de la aŭtorino, tradukisto kaj eldonisto. La libro estas legebla ankaŭ en la itala traduko de Carlo Minnaja kaj Giulio Cappa. La titolpaĝon de la itala kaj la slovena tradukoj ornamas la pentraĵo de la dana pentristo Carl Vilhelm Holsoe.
