Narodna Knjižnica Hercegovačko-neretvanske županije en Mostar kaj ties galerio, kiu portas la nomon de la reĝino Katarina Kosača, gastigis la esperantlingvan verkistinon Spomenka Štimec kaj ties kroatlingvan romanon “Hodler u Mostaru” la 20an de junio 2023. La aŭtorinon prezentis kaj pri la verko parolis kroata verkisto kaj tradukisto Božidar Brezinščak Bagola.
La verko pri Hodler estis unue verkita en Esperanto kaj publikigita ĉe Edistudio en Pisa 2006. Poste la aŭtorino plie studis la temon kaj precipe esploris pri la ligoj de la svisa pentristo Ferdinand Hodler kun Kroatio. Tiel la kroata eldono havas eldonan ĉapitron pri Jozo Kljaković, la kroata pentristo kiu studis ĉe Hodler en Ĝenevo.
Por la kroata eldono la aŭtorino ricevis financan helpon de Ministerio pri kulturo kaj amaskomunikiloj en 2020.
Intertempe la verko pri Hodler estis publikigita ankaŭ en la korea. Nun estas preparate la japana traduko.
Dan ranije obavljen je razgovor u studiju Radija Mostarska panorama
Okazis ampleksa intervjuo kun la aŭtorino ĉe Radio Mostarska panorama. Ŝi interalie parolis pri la pioniro de Esperanto en Mostar, Nikola Bubalo.
