Berislav Rubčić naskiĝis la 4-an de februaro 1950 en Đakovo. Li frekventis gimnazion en Bjelovar kaj diplomiĝis en la Elektroteknika fakultato de Zagrebo en 1973. Elstara bjelovara artfotisto, gajninto de la prestiĝa foto-premio Tošo Dabac en 2001. Membro de Foto-kino klubo Bjelovar (poste Iris), ĝia prezidanto ekde 1975. Membro de la Plenumkomitato de Foto-asocio de Kroatio (1976-1986 kaj 1994-1998). Esperantisto ekde 1966, membro de la grupo Junaj ambasadoroj. Aktiva propagandisto de Esperanto inter lernejanoj. La unuajn internaciajn spertojn li akiris dum la IJK-oj en Münster (1974) kaj Tesaloniko (1976). Membro de la iniciata komitato por refondo de Bjelovara esperantista societo (2011), membro de la organiza komitato de la 9-a kongreso de kroatiaj esperantistoj (Bjelovar, 2010). Plurmandate membro de la Estraro de Bjelovara esperantista societo, inter 2014 kj 2018 ĝia reprezentanto en la asembleo de Kroata Esperanto-Ligo. Membro de la organiza komitato de INTER-FEST (2016). Forpasis la 1-an de junio 2022 en Bjelovar.
Josip Pleadin
