Kadre de la programo “La vivanta heredaĵo” kiu sub la egido de Ministerio pri kulturo okazas en Kroatio dum septembro kaj oktobro 2023 partoprenis ankaŭ kroata Esperanto-Ligo ĉar la tradicio de Esperanto estas protektita nemateria kultura heredaĵo en Kroatio. Ĝia kodo en la registro de la protektita heredaĵo estas Z-7298.
Enkonduke al la prezentoj okazis enmanigo de aŭtoraj ekzempleroj tradukitaj per Esperanto al la korea lingvo. Ana Klobučar-Barišić transprenis la koreajn ekzemplerojn de la libroj “Rakontoj sub la lito” kaj “Triopo terura” kiujn aŭtoris ŝia patrino Antoaneta Klobučar. La infanrakontojn esperantigis la patro Davor Klobučar kaj ilustris tiam 12-jara Ana. La verkojn koreigis la korea tradukisto Ombro.
Dektri kroataj esperantistoj partoprenis ĉi-jare en diversaj internaciaj Esperanto-aranĝoj:
Spomenka Štimec en februaro partoprenis ĉe Mediteranea Esperanto-Semajno ĉe la Azura marbordo, kie ŝi instruis la Esperantan literaturon. D-ro Zlatko Hinšt per prelego pri la fervojo al Rijeka kontribuis al IFEF-kongreso, la fervojista esperantista kongreso en Antwerpen en aprilo. Anto Mlinar kaj Ankica Jagnjić raportis pri sia kontribuo al la Universala Esperanto-Kongreso en Torino de la 29a de julio ĝis la 5a de aŭgusto 2023, kie ili sekvis la prelegseriojn de Kongresa Universitato kaj Esperantologia konferenco. Zdravka Metz kontribuis al la Kongresa temo per la prelego rilatanta al la – migrantoj kaj ties integriĝo. Grozdana Grubišić-Popović partoprenis en paroligaj lecionoj, Josip Pleadin observes la laboron de la Komitato.
Marija Jerković kontribuis al la programo de Internacia Ligo de Esperantaj Instruistoj per zoom –prelego pri la esperantlingva frazeologio. Ankica Jagnjić kontribuis ĉeeste per la prelego pri la intruistinoj el la unua epoko de Esperanto en Kroatio: Danica Bedeković de Pobjenička kaj Antonija Jozičić.
La venonta programero de “La vivanta heredaĵo” okatos la 1an de oktobro je la 10a horo ĉe la adreso Tomislavov trg 21. Tie komenciĝos la promenade tra la historie gravaj lokoj por la esperanta historio de Zagrebo. Ĉe tiu adreso estis la redakcio de “Kroata Esperantisto” en 1909. La promeno daŭros al Amruševa 5, poste al la strato Zamenhofova kaj finos (trajne) per la Placo de Kennedy ĉe la monumento La Futuro.
Spomenka Štimec
