Kvardeko da esperantistoj el la tuta Kroatio (kaj eĉ unu el Burundo kaj unu el Francio) vizitis la 18-an de aprilo Ogulin, la naskiĝlokon de la fama kroata verkistino Ivana Brlić Mažuranić. La viziton al la naskiĝdomo de Ivana organizis la Dokumenta Esperanto-Centro el Đurđevac, kaj la ĉefa programero estis la promocio de la Esperanta traduko de la libro Priče iz davnine (Pratempaj rakontoj).
La libron eldonis Dokumenta Esperanto-Centro el Đurđevac. La kuneldonisto estas Esperanto societo Rijeka kiu kune kun Urbo Ogulin financis la eldonon. La rakontojn tradukis Josip Pleadin, Zdravko Seleš kaj Milica kaj Ante Gropuzzo.
La programo de promocio komenciĝis per la enkonduka vorto de Tihana Turković, direktorino de la Fabeldomo de Ivana en Ogulin. Sekvis salutvorto al ĉeestantoj de Dalibor Domitrović, la urbestro de Ogulin. Post tio verkistino Božica Jelušić tre imprese rememoris pri Ivana okaze de ŝia naskiĝtago.
Zdravko Seleš, profesoro el Đurđevac recitis poeziaĵon Našoj baki Ivani (Al nia avino Ivana) kiun li verkis en la jaro 1991 kroate kaj Esperante. Josip Pleadin prelegis kiel ekestis la libro.
Pri la libro parolis, parte legis kaj komentis Josip Pleadin kaj Zdravko Seleš. Fine la membroj de la Bjelovara teatro prezentis fragmenton el teatraĵo Šuma Striborova (La arbaro de Stribor). Per granda aplaŭdo la publiko esprimis sian kontenton aparte pro bonega aktorado de infanoj, membroj de la teatro.
Sekvis dankesprimo al la partoprenantoj de tuta projekto kaj disdonado de la libroj. La programon konkludis komuna fotado antaŭ la Fabeldomo de Ivana.
Antaŭ ol ni forlasis la fabeldomon, estraranino de Kroata Esperanto-Ligo Ankica Jagnjić parolis pri traduko Esperanten de la romano Čudnovate zgode šegrta Hlapića (Mirindaj aventuroj de metilernanto Hlapić) kiun tradukis Maja Tišljar en la jaro 1998. Tiun tradukon utilis kiel pontolingvoj la tradukantoj el Aziaj lando.
La programon daŭrigis amikumado kun tagmanĝo en hotelo. La partoprenantoj forlasis Ogulin antaŭvespere kontentaj kaj bonhumoraj.
Anto Mlinar
Fabeldomo de Ivana
